Velkomne til bryllaupsfesten vår på Stord laurdag 12. juni 2027.
Festen vert halden i Samhald på Rommetveit (Krokane 1, 5414 Stord).
Vigsla vert halden tidlegare på dagen og er berre for den næraste familien. Vi kjem tilbake med tidspunkt for bryllaupsfesten. Vi gler oss til å feire saman med dykk!
Det vert servert middag, kaker, kaffi og god drikke til festen – med både alkoholfrie og alkoholhaldige alternativ.
Vi oppdaterer nettsida etter kvart som fleire detaljar kjem på plass.
Vi tilrår å vere tidleg ute med å bestille overnatting. Det er for tida stor pågang i hotellnæringa på Stord, og kapasiteten kan vere avgrensa. Dersom det ikkje er ledige rom no, kan det difor vere verdt å sjekke igjen seinare.
Vi kjem sjølve til å bu på Stord Hotell. Andre alternativ i nærleiken er Almås Hotell og Stord Folkehøgskule Sumarhotell.
Fitjar Fjordhotell og Bømlo Hotell er òg gode alternativ, men ligg om lag 30 minutt unna med bil.
Stord Hotell tilbyr rabatt på overnatting til bryllaupsgjestene våre.
Ved bestilling på hotellet si nettside kan de nytte rabattkoden EVENTSTAY. Rabattkoden gir 6–10 % avslag på standard fleksibel pris, avhengig av belegget på hotellet. Denne prisen kan endrast eller avbestillast kostnadsfritt fram til kl. 18.00 dagen før ankomst.
Hotellet tilbyr også Early Bird, som ofte er den lågaste prisen. Denne kan ikkje endrast eller refunderast etter bestilling.
Vi anbefaler at de samanliknar dei to alternativa når de bestiller, og vel det som passar dykk best.
